Балаҕан ыйын 28 күнүгэр ыаллыы сытар Уус – Алдан улууһун Тумул нэһилиэгэр «Өрүүтүн аргыс буоллун - Ырыам» диэн ааттаах Нам улууһун Хомустаах 2-с нэһилиэгиттэн гастрольнай концерт буолан ааста. Тумуллааҕы «Түмсүү» сынньалаҥ киинин үлэһиттэрэ кэлбит ыалдьыттары сылаастык көрсөн балаҕаҥҥа, музейга, бибилиотекаҕа, «Арчы» дьиэтигэр, саҥа көстүүлээх Кыайыы болуоссаттарыгар сырытыннаран экскурсиялаттылар. Итии чээйдээх, сахалыы астаах алаадьылаах, төгүрүк остуол тэрийэн үлэлэрин сүрүн хайысхаларын билиһиннэрэн, ирэ-хоро, уопут атастаһан кэпсэттилэр.Киэһэ 19ч.00м. кирии билиэтинэн лоторея оонньонон сүрүн бириис Хомустаах 2-с нэһилиэгин минньигэс отоно, эмис собото, өрүс балыга, маны таһынан араас бириистэр оонньоннулар. Кэлбит көрөөччүлэр илии тутуурдаах, өттүк харалаах үөрэ-көтө ылламмыт ырыалартан дуоһуйан,сынньанан тарҕастылар.