Балаҕан ыйын 14 күнүгэр Хомустаах 2 -с нэһилиэгэр Российскай Федерацияҕа «Дьиэ кэргэн», Саха Республикатыгар «Оҕо саас», Нам улууһугар «Оҕо спорда», Хомустаах 2-c нэһилиэгэр «Тыа ыалын» сылларыгар аналлаах «Үүнэ-сайда тур-тапталлаах Торуойум» диэн үгэскэ кубулуйбут Нэһилиэк күнэ ыытылынна. Бу күн эбиэт иннинэ нэһилиэк олохтоохторо, тэрилтэлэрэ бары күргүөмүнэн уопсай субуотунньукка тахсан нэһилиэги ырааһырдыы үлэтэ барда. Эбиэт бириэмэтигэр Нэһилиэкпит олохтоохторугар, кэнчээри ыччаттарыгар аналлаах сынньанар сирдэрин аныгы үйэ тэтиминэн тупсаҕай көстүүлээх, саҥаттан-саҥардар туһугар нэһилиэкпит хас биирдии олохтооҕо бары сэмэй кылааппытын киллэрэн, 2023 сыл биһиги нэһилиэккэ араас үлэ ыытыллыбыт түмүгүнэн Култуура уонна успуорт араас көрүҥнэригэр түөлбэнэн сыл устата күрэхтэр тэриллэннэр, депутаттар, түөлбэ салайааччылара, олохтоох дьаһалта нэһилиэкпит баһылыга Новгородов Л.Н.өйөөн, кырата суох харчынан хас биирдии түөлбэҕэ бириэмийэ анаммытын, биир сомоҕо санааҕа кэлэн Айылҕаны харыстааҥ» Хомустаах 2-с нэһилиэгин үрдүк мыраан, кэрэ айылҕалаах көстүүтүн үөрүүлээх арыллыыта буолла. Нэһилиэкпит бочуоттаах ытыктыыр, убаастыыр дьоннорбут Тарскай П.Е., Максимова М.И., Пестрякова Л.Е.,Сивцева Н.И. нэһилиэкпит баһылыга Новгородов Л.Н. эҕэрдэ тылларын, баҕа санааларын нэһилиэк олохтоохторугар тириэртилэр. Киэһэ 20ч.00м Светлана Егоровна Неустроева «Тулуйхан» устуудьуйа 6 күн устата оҕолору, улахан дьону ырыаны таптааччылары, ыллыан баҕалаахтары кэлэн дьарыктаан ыллатан, ансамбыллары тэрийэн отчуоттуур кэнсиэрин туруоран дьон биһирэбилин, махталын ылла.