Муус устар 20 күнүгэр Хомустаах 2 -с нэһилиэгэр «Сандал сааһы уруйдуу көрсүөҕүҥ» диэн үгэскэ кубулуйбут кыһыны атаарыы бырааһынньыга буолла. Бу күн «Сандал сааһы уруйдуу көрсүөҕүҥ» эҕэрдэ концерт, «Дьиэ кэргэним- бигэ тирэҕим» спортивнай күрэх, массыына киэргэтиитэ, оҕолорго ырыа, хаар киһи оҥоруутун күрэхтэрэ ыытылынна. «Дьиэ кэргэним- бигэ тирэҕим» спортивнай күрэххэ «Чагда» түөлбэ I миэстэ, «Сайдам» түөлбэ II миэстэ ыллылар. Түөлбэлэр кыттан «Сэргэлэх» култуура киинин араас дьиэҕэ уокка сыһыаннаах, дьиэ кэргэҥҥэ сөптөөх сүрүн бириистэри ыллылар. Массыына киэргэтиитигэр Потаповтар дьиэ кэргэттэрэ анал бирииһинэн уонна грамотанан наҕараадаланнылар.Ырыа күрэҕэр Охлопков Миша I миэстэни ылан анал грамотанан уонна сыаналаах бирииһинэн наҕараадаланна. Оҕолорго «Хаар киһи оҥоруутун» күрэҕэр Протопопова Мирослава, Данилова Сайнаара, Никитина Юлиана I миэстэни анал бириис, атын кыттыбыт оҕолорго поощерительнай бириис ыланнар үөрэн көтөн тарҕастылар.

Муус устар 3 уонна 4 күннэригэр 2 Хомустаахха "Нам улууһа" МТ мас тардыһыыга чемпионата түмүктэннэ (II этап). Икки күннээх биирдиилээн уонна хамаанданан бастыыр иһин тыҥааһыннаах күрэхтэһиигэ 2 Хомустаах хамаандата кыайыы өрөгөйүн билэн, 1 м. таҕыста (40 оч.). 2 м. Хатыҥ Арыы хамаандата ылла (56 оч.), 3 м. 1 Хомустаах хамаандата тигистэ (82 оч.). Салгыы хамаанданан миэстэни үллэстии маннык буолла: 4м. - Модут, 5м. - Хамаҕатта, 6м. - Хатырык, 7м. - Көбөкөн, 8м. - Ленскэй нэһ., 9м. - Партизан, 10м. - Үөдэй, 11м. - Нам техникума, 12м. - Салбаҥ, 13м. - НПК, 14м. - Искра. ✍📹Касьян Олесов-Олук

Кулун тутар 31 күнүгэр Хомустаах 2 с нэһилиэгэр дьоро күн ааста. "Проект наслег 2024" Өрөспүүбүлүкэ нэһилиэктэрин мас тардыһыыга 2 күннээх күөн күрэһин түмүгэр ыччаттарбыт кыайыы чыпчаал Өрөгөйүн ситистилэр! Онтон бары үөрдүбүт, астынныбыт. Кыайыы кэлбитэ – күннэтэ күүстээх дьарыктан, элбэх сыралаах эрчиллииттэн, дьулуур, тулуур, дьүккүөр барыта түмүллүбүтүттэн эҕэрдэлии кэллилэр Эҥсэли хочотун Нам нэһилиэгиттэн айар-тутар «Ситим» бөлөх. Кинилэр ылбаҕай ырыалары, имигэс сиэдэрэй үҥкүүлэри үҥкүүлээтилэр. Сыанаҕа ытыс дохсун тыаһынан көрүстүбүт Хомустаах 2-с нэһилиэгин төрүт олохтооҕо Нам улууһун бастакы баһылыга, Нам совхоз салайааччытын Алексеев Дмитрий Федотович төрөппүт уолун, алгысчыт Федот Алексеевы.