Кулун тутар 15 күнүгэр Саха Өрөспүүбүлүкэтин култууратын туйгуна, Саха Өрөспүүбүлүкэтин ырыа айааччыларын сойууһун чилиэнэ, самодеятельнай мелодист, аккомпониатор Александр Петрович Меркулов 65 – сылыгар аналлаах Өрөспүүбүлүкэтээҕи «Музыка абыгар ылларан» автор ырыаларын толорууга аһаҕас күөн-күрэс Нам сэлиэнньэтигэр М.К. Аммосов аатынан культура Дыбарыаһыгар үрдүк таһымнаахтык буолан ааста. Күрэҕи тэрийэн ыытта Нам улууһун Хомустаах 2-с нэһилиэгин ЭКЦ «Сэргэлэх» култуура киинэ. Сыаналаатылар убаастабыллаах дьүүллүүр сүбэ: 1. Бэрэссэдээтэлэ – РФ театральнай деятеллэрин сойууһун чилиэнэ, СӨ култуураҕа уонна духуобунай сайдыыга министерствотын Ресурснай – бырайыактыыр киининрежиссера, СӨ ырыа айааччыларын сойууһун чилиэнэ, Христофор Максимов аатынан фонда чилиэнэ – Саргылана Саввична Адамова. 2. РФ суруналыыстарын сойууһун чилиэнэ, СӨ култууратын туйгуна, СӨ ырыа айааччыларын сойууһун чилиэнэ, Нам улууһун, Ленскэй уонна Хатыҥ Арыы нэһилиэктэрин бочуоттаах олохтооҕо, ырыаһыт, ырыа айааччы, Нам улууһун «Туллук Хаара» мелодистар түмсүүлэрин салайааччыта – Андрей Терентьевич Замятин. 3. СӨ култууратын туйгуна, Республика ырыа айааччыларын сойууһун чилиэнэ, СӨ аккордионистарын уонна гармонистарын сойууһун региональнай общественнай тэрилтэтин бэрэссэдээтэлэ, «Эйгэ» айар хамсааһынын салайааччыта – Алексей Алексеевич Потапов. 4. Нам улууһун «Коробейники» нуучча ырыатын народнай ансаамбылын салайааччыта – Дмитрий Николаевич Барабанов. 5. Александр Петрович Меркулов төрөппүт кыыһа – Екатерина Александровна Прокопьева. Бу курдук састааптаах убаастабыллаах дьүүллүүр сүбэ күрэх үрдүк таһымын сыаналаатылар. Күрэххэ кытыннылар: Өймөкөөн, Мэҥэ-Хаҥалас, Кэбээйи улуустара, Бүлүү куорат уонна Нам, Хамаҕатта, Крест-Кытыл, Хомустаах 2 – с нэһилиэктэрэ кыттан ситиһии үрдүк аатын ыллылар. Биһиги Хомустаах 2-с нэһилиэгиттэн оҕолор күрэхтэригэр 1 бөлөххө: Милианна Егорова - "Гран При" үрдүк аатын,2-с бөлөххө улахан дьон күрэхтэригэр Мария Иванова - "Лауреат" үрдүк аатын ситиһиилээхтик кыттан ыллылар. 3 бөлөххө: Вокальнай ансамбль күрэҕэр эдэр кыргыттар ансамбллара - "Кыргыттар" бөлөх - "Лауреат II степенэ" уонна "Ньургуйаана" вокальнай ансамбыла - "Дипломант I степенэ" үрдүк аатын ситиһиилээхтик кыттан ыллылар. "Бастыҥ салайааччы" үрдүк аатын чиэстээхтик көмүскээн ылла салайааччы Старков Андрей Петрович.