Ахсынньы 31 күнүгэр "Сыл бастыҥнарын чиэстиир Саҥа дьыллааҕы дьоро киэһэ" буолан ааста. Саӊа Дьыл оҕо, дьон үөрүүтэ туох эрэ кэрэни дьиктини кэтиир, күүтэр. Манан сиэттэрэн 2023сыл бастыҥнарын чиэстээн Саҥа дьыл үөрүүтүн нэһилиэкпит аҕа баһылыга Лев Николаевич Новгородов эҕэрдэ тылынан Дьоро киэһээбит саҕаланна. Нэһилиэкпит бастыҥнарыгар наҕараадалары туттартаата, ылбаҕай эҕэрдэ ырыалар дьиэрэйдилэр. 2023 сылга Түөлбэлэр күрэхтэрин түмүгэ үөрүүлээхтик биллэрилиннэ. Бастаабыт "Сайдам" түөлбэ 100 тыһыынча харчынан, 2-с миэстэ 70т. 3-с миэстэ 50т. 4-с миэстэ 30т.харчынан наҕараадаланнылар. Бу харчыларын түөлбэлэр олорор уулуссаларын тупсарыыга туттуохтара. Маны таһынан үгэс буолбут сыл ахсын ыытыллар тиэргэн киэргэтии күрэҕэр көхтөөхтүк кытыннылар.