2023с - Россияҕа-«Уһуйааччы уонна педагог», Саха Республикатыгар-«Үлэ», Нам улууһугар-«Сомоҕолоһуу уонна бииргэ буолуу» Хомустаах 2-с нэһилиэгэр «Ыччат уонна патриотизм» сылларыгар аналлаах ахсынньы 1 күнүгэр түөлбэлэр икки ардыларыгар «Норуоттар үҥкүүлэрэ» үҥкүү күрэҕэ буолан ааста. Түөрт түөлбэ олохтоохторо оҕолоруттан саҕалаан улахан дьоҥҥо тиийэ үҥкүүлэригэр бэлэмнэнэн көхтөөхтүк кытынна. Жюри чилиэннэринэн буоллулар түөлбэлэртэн анаммыт биирдии эр бэрдэрэ. «Сайдам» түөлбэттэн Никонов С.С., «Сатас» түөлбэттэн Протопопов Дь.А., «Дьулуур» түөлбэттэн Протопопов С.Н., «Чагда» түөлбэттэн Охлопков А.С.. күрэх түмүгүнэн 1-кы миэстэни "Дьулуур" түөлбэ, 2-с миэстэни "Чагда" түөлбэ, 3-с миэстэни "Сайдам" түөлбэ, 4-с миэстэни "Сатас" түөлбэ ыллылар. Түөлбэлэргэ барыларыгар грамота туттарылынна, кыайыылаах «Дьулуур» түөлбэ харчынан бириис уонна анал кубагынан наҕараадаланна.

01-WA0137.jpg"/>