Тохсунньу 13 күнүгэр Хомустаах 2-с нэһилиэгэр түөлбэнэн "Үүт-үкчү" пародия күрэҕэ буолан ааста. Пародия күрэҕэр "Сайдам", "Дьулуур", "Чагда" түөлбэлэр көхтөөхтүк кытыннылар. "Сайдам" түөлбэ Бонеум-Распутин уонна Верка Сердючканы; "Дьулуур" түөлбэ "Группа Крови" Виктор Цой уонна Марыына Попова "Студент доҕорбор"; "Чагда" түөлбэ "Мираж" группа уонна Стас Михайлов "Все, для тебя" ырыаларын үүт-үкчү үтүктэн көрдөрдүлэр. Күрэх түмүгүнэн I миэстэни - "Сайдам" түөлбэ, II миэстэни - "Чагда" түөлбэ, III миэстэни "Дьулуур" түөлбэ ыллылар. Түөлбэлэр бары да бэлэмнэнэн, оҥостон кэлбиттэрэ киһи санаатын сүргэтин көтөхтө. Кыайыылаах түөлбэлэргэ добун сурук туттарылынна. Бары кыттыбыт бар дьоммутугар барҕа махталбытын тиэрдэбит.