Сэтинньи ый 10 күнүгэр 2 Хомустаах нэһилиэгэр П.А Ойуунускай 130 сылыгар аналлаах "Мин тылым-мин тохтор тойугум " диэн литературнай биэчэр буолан ааста. Тэрээһини иилээн-саҕалаан ыытта олохтоох библиотека специалиһа Слепцова Е.В. Кыра кылаас оҕолоруттан саҕалаан үрдүкү кылаастарга тиийэ оҕолор, улахан дьон бука бары көхтөөхтүк кытыннылар. Биэчэрбит бастакы чааһа П.А. Ойуунускай олоҕун сырдатыыттан саҕаланна. Бу биэчэргэ көрөөччү кэрэхсэбилин ыллылар ансаамбыл толоруутугар күргүөмнээх ырыа "Былааһы сэбиэккэ!", квартет толоруутугар «Таатта үрэх үрдүгэр" ырыа, Мария Иванова толоруутугар М.Лермонтов тылбааһыттан «Алгыс» ырыа, 6 кылаас уолаттарын толоруутугар «Көҥүл ырыата»хоһоон, 10 кылаас уолаттарын толоруутугар «Өрүөл кэриэһэ»хоһоон, «Кэлэр кэскил ырыата»-Арина Слепцова, Карина Потапова чабырҕах, Вика Захарова толоруутугар « Мимоза» хоһоон, Лёня Ефимов толоруутугар «Син биир буолбаат?!!» хоьоон, «Оҕо куйуурдуу турара» монологу аахта Дамир Максимов, «Өйдөөх оҕо» уонна «Учугэй улэһит» айымньыларыттан быһа тардыыны 6-10 кылаас оҕолоро көрдөрдүлэр. Тэрээһиммит иккис чааһа: көлүөнэлэринэн өй күрэҕэ буолла. 5 киһиттэн састааптаах 4 хамаанда кытынна. Манна 10-11 кылаас үөрэнээччилэрэ, эдэр ыччат, 30-50 орто көлүөнэ, 51саастарыттан үөһээ кытыннылар. Күрэх түмүгүнэн орто көлүөнэ кыайыылааҕынан тахсан анал грамотанан наҕараадаланнылар, барыларыгар туоһу сурук туттарылынна. Саргытын салайсыбыт сахабыт норуота Улуу убайбытын умнубаппыт! Кини сырдык аатын кэриэстиибит. Көлүөнэттэн көлүөнэҕэ кэрэ кэпсээн гыныахпыт. Олохтоох киин библиотекаря Елена Слепцова.