Кулун тутар 7 күнүгэр Е.П. Сивцев аатынан оскуола залыгар «Аан Дойду дьахталларын» күнүгэр аналлаах түөлбэлэр икки ардыларынан «ИЙЭ КЫЫҺЫНААН» куонкурус ыытылынна. Тэрээһини ЭКЦ "Сэргэлэх" киинэ ыытта. Түөлбэлэртэн кыттааччы ийэ, кыыһынаан олус кыһаллан, тэринэн, оҥостон кэлбиттэрэ өтө көстөр. Ол курдук «Мин Ийэбинээн» (визитка- презентациянан), ыйыытыыга – эппиэт, ийэ кыыһынаан эппиэттэрэ сөп түбэһиитэ, киэһээҥҥи бүрүчүөскэ, «Сааскы киһи салбаммытынан» эрдэ дьиэҕэ бэриллибит ас бүлүүдэтин композицията уонна авангард муодата өрө күүрүүлээхтик барда. Бу киэһэ ис дууһаттан кыһаллан,тэринэн кэлбит Ийэлэргэ түөлбэ салайааччылара бэйэлэрин түөлбэлэрин эр дьонун ааттарыттан сэмэй бэлэх, сибэкки дьөрбөтө уонна «Сэргэлэх» култуура кииниттэн анал сертификат тутан үөрэн-көтөн тарҕастылар. Түмүккэ: 1м.-«Сайдам» түөлбэ, 2 м.- «Дьулуур», 3м.- «Чагда», 4 м.- «Сатас» тахсан кэллилэр. Түөлбэлэр бары да тэҥнэрин, ол эрээри туох эрэ уратылаахтарын бэлиэтиэххэ наада. Махтал буоллун кыттыспыт, кыһаммыт түөлбэ олохтоохторугар!