МБУ "ЭКЦ "СЭРГЭЛЭХ" с.Хатас"

Ийэ тыл, сурук-бичик күнүн чэрчитинэн куйаар ситимин нөӊүө ыытыллар «ТЫЛ БААР - БАРАММАТ БААЙ» диэн нэһилиэк иһинэн ыытыллар хоһоон күрэҕин балаһыанньата Тэрийээччи: Нам улууһа Хомустаах 2-с нэһилиэгэ МБУ «ЭКЦ «Сэргэлэх» Күрэх ыытыллар бириэмэтэ: Олунньу ый 3 күнүттэн 13 күнүгэр дылы, 2022 с. Күрэх сыала-соруга: - Саха АССР 100 сылыгар, Саха Өрөспүүбүлүкэтигэр Ийэ сылыгар суолта биэрии; - Норуокка патриотическай өйү-санааны, төрөөбүт дойдуга бэриниилээх буолууну иитии; - Бэйэ омугунан киэҥ туттууну, төрөөбүт төрүт тылга тапталы иҥэрии; -Тѳрѳѳбүт тыл сүмэтин, эриэккэһин, кэрэтин иӊэрии; -Ийэ тылынан киэн туттуу, ѳрѳ тутуу, туттуллар эйгэтин кэӊэтэргэ туруулаһыы, үлэлэһии; -Айар талааннаах дьону киэӊ эйгэҕэ таһаарыы, дьоӊӊо – сэргэҕэ көрдөрүү. Күрэх усулуобуйата: - Саха норуотун биллэр суруйааччыларын, эбэтэр бэйэ айбыт хоһооннорун уус-ураннык ааҕыы, 1-3 мүнүүтэҕэ; - Кыттааччы хоһоону суотабайынан сытыары тутан устан ыытар; Ааҕыыга кытталлар: 1 бөлөх: Уһуйаан иитиллээччилэрэ; 2 бөлөх: Оскуола оҕолоро; 3 бөлөх: Улахан дьон. Ааҕыыга сыаналаналлар: - Айымньыны сөптөөхтүк талыы; - Ис хоһоонун толору арыйыы; - Сценическай култуура; - Таҥас- сап. Усунуос - Күрэххэ кыттыы иһин усунуос 50 солк. СБЕР. моб.бааҥҥа 89659989845( Попова Саргылана Семёновна ) ыытаҕыт; - Кыттааччы толору аата, сааһа, хантан сылдьара ыйыллар; - Устубут үлэҕитин бу нүөмэргэ 89669956289( Иванова Мария Анатольевна) ыытаҕыт. Наҕараадалааһын: - Күрэҕи анал дьүүллүүр сүбэ сыаналыыр; - Кыайыылаахтарга l, ll, lll миэстэлэр ананыахтара уонна анал ааттар иҥэриниэхтэрэ; - Хас биирдии кыттааччыга туоһу суруктар туттарыллыахтара; - Кыттаачы видеота МБУ «ЭКЦ «Сэргэлэх» Instagram страницатыгар тахсар. Түмүк: Олунньу ый 14 күнүгэр МБУ «ЭКЦ «Сэргэлэх» сайтыгар, xatasergeleh Instagram страницатыгар тахсар - Кыттааччы наҕараадата куйаар ситимин нөҥүө электроннай варианынан туттарыллар.